愈唔期待愈多有驚喜@阿善素食

因有要事去了尖沙咀，隨意找了一間素食餐廳晚餐，無期待無要求下去試一間餐廳，好多時都可帶來驚喜。是晚簡單地點了3樣菜，齋鹵味、乾炒素牛河及雪裡紅鮮竹豆腐煲。

去到餐廳時，聽到有關念佛的聲音及見到有觀佛教的畫像，感到很舒服。侍應服務不錯，會推介你餐廳撚手小菜，有問必答，態度有禮。

當晚食評 :

齋鹵味

作為前菜不錯，整體質素還不錯。

乾炒素牛河

炒得唔油夠鑊氣，簡單菜式，顯示到廚師功駕，好食。

雪裡紅鮮竹豆腐煲

雪裡紅即是雪菜，惹味菜式，鮮竹同豆腐都不錯，個汁幾好送飯。

有時真係愈唔期待愈多有驚喜，呢間野有下次。

中午來個日式吉列定食@ 勝博殿日式炸豬排

中午食日本野永遠都比晚餐抵食，如果是第一次試間餐廳，最好是先由午餐去試，以免中伏。勝博殿開左咁耐都係第一次去食，試了午市炸物套餐 - 松 $125，有一口炸豬柳、炸海蝦及炸芝士雞肉卷。芝士雞肉卷比較一般，如果喜歡芝士可能先會鍾意，而炸蝦及炸豬柳還可以，炸得很鬆脆。如果豬柳是用日本出名地區既豬會更吸引。
以$125可試到勝博殿既炸功，不算昂貴。但是，個人還是喜歡另一間吉列店-丼吉日本吉列專門店。

丼吉日本吉列專門店

丼吉日本吉列專門店

丼吉日本吉列專門店

HAPPY HOUR之選@焱川

幾年前去開銅鑼灣禮頓道有間叫磯燒既日本串燒店，晚上6點至8點有個HOUR HOUR好抵食，可自選四串日式串燒加1款飲品。銅鑼灣出名貴租，此店應該係挨唔住貴租所以無奈結業。幸好此店在灣仔有間姊妹店叫焱川，以前是在灣仔蘭杜街，現在已經搬遷到春園街，最重要是仍然保留$68 HOUR HOUR。

串燒可選 - 冬菇、豬頸肉、煙肉車厘茄、鴨胸肉、雞皮、雞軟骨、免治雞肉捧、海蝦、多春魚、鵪鶉蛋、燒飯團。

飲品可選 - 日本啤酒KIRIN、冷熱清酒、梅酒特飲或汽水。

呢個HAPPY HOUR SET食過好多次，基本上以上食物已經試過，每次只會精選地叫冬菇、豬頸肉、煙肉車厘茄、雞皮、雞軟骨、免治雞肉捧、鵪鶉蛋。搬遷了的新店地方夠大，很適合跟朋友飲酒吹水，食物水準依然不俗，食串燒多數會配日本啤酒。由於食串燒不太飽肚，所以每次最後都會叫一客冷稻庭烏冬埋尾。冷稻庭烏冬夠晒凍，麵條很滑溜，加埋wasabi食非常美味。

找到一個地方跟好友飲飲酒食下串燒，價錢又不算好貴，感覺真的幾良好。真心希望此店可繼續經營下去，讓我保留這個跟朋友飲酒吹水地。

最愛其中一間嗱喳麵@麵尊

以前在上環區返工，一直有幾間心水餐廳袋住在身邊，呢間係其中一間，就係麵尊車仔麵。呢間車仔麵總是有一種食過翻尋味的感覺，即使離開左上環區返工，都要間唔中返去食，呢種魔力好少香港既餐廳好少令我有呢種感覺，麵尊是其中一間。

我每次去都是叫5餸配油麵，鐵膽叫咖哩魚蛋牛腩豬皮羅白雞中翼(如其中一樣售完會以酸齋補上)。

呢間車仔麵既湯底有點似銅鑼灣榮記車仔麵既腩汁湯底，不過呢度就清少少，味道甜甜地。油麵碌得爽口夠彈性，豬皮同樣不會過淋夠索汁，而牛腩就選用新鮮牛腩，比坊間的柱喉牛腩不同，比較懷舊特別，每次必叫，羅白就食到有糖水浸過的感覺，偏甜。而雞中翼都算入味，咖哩魚蛋亦是必叫，大大粒好彈牙，又夠熱又夠香辣，而本店鎮店之寶是咖哩辣醬，落左落碗麵提昇不少質素，不過幾辣下，唔食得辣要叫少辣。

總結此店最近已經加價加到$9一款餸，係比較貴，但是，好食既東西係要有溢價，我願山長水遠去上環比$45食呢碗5餸麵。

很特別的腐皮漢堡@Cafe & Meal MUJI

 

上星期閒逛了今期最HIT既灣仔利東街一帶餐廳及商店，覺得很有新鮮感，因有很多有實力的日本過江龍餐廳及商店在那裡插旗，感覺很良好，因為再不是一般了無新意的香港的連鎖式餐廳。但是，當天並沒有留在那裡進食，反而行上少少去了合和間無印Cafe食tea。

當天選擇了一個比較有特色的漢堡，就是腐皮漢堡。

店員介紹腐皮是選用本地名牌樹記既腐皮配上沙律醬及羅望子醬，而麵包就是用了自家既無印麵包，咁特別於是一試。

第一次食樹記既腐皮，覺得很香豆味。塊腐皮煎得香脆，配上羅望子醬，味道酸酸甜甜，再加埋沙律菜及沙律醬很夾，自家焗既麵包很軟熟，整體配合很不錯。伴菜是炸粗薯，味道都幾香脆可口。

有時食Burger不一定要食扒既，有創意起來，夾塊有質素既腐皮都很Match，一定會為這腐皮漢堡再來。

素食生日飯@功德林上海素食

早前生日飯局去了銅鑼灣功德林晚餐，因第一次去，訂位前都會有個習慣上網查下間餐廳得唔得先去食。很多網友評論都話食物無味，好淡及比以前退步等評價。既然未食過，都想試一次。

當晚食了五福臨門拚盤、上海冷麵、咕嚕肉、砂鍋獅子頭、蒸素餃、菜汁蒸銀絲卷。

五福臨門拚盤可以自選五款，我選擇了素鵝、脆鱔、烤夫、馬蘭頭及凍茄子。素鵝微暖，香脆可口; 脆鱔炸得香脆，酸甜味不錯; 烤夫、馬蘭頭及凍茄子就正常，不太突出。

上海冷麵

有得自已mix自己味道，有得玩有得食，唯麵條不夠彈牙，整體不錯。

咕嚕肉

是招牌菜式，比坊間素食店做得最出色，猴頭姑味道豐富，甜酸味剛剛好，不會搶喉，此道菜當晚最好食。

砂鍋獅子頭

見是得獎菜色於是一試，是免治素肉包著一些素魚翅，味道不算淡味，中上之作。

蒸素餃、菜汁蒸銀絲卷

清清地，感覺不錯

去功德林食飯千萬不要用平時的餐廳去比較味道，因為他們是不用味精，不加色素，少鹽少油。功德林有裝修有服務有海景，食物質素又有水準，更可不殺生，將會成為我常去的素食餐廳。

回憶中的燒叉燒@Bari-Uma 廣島霸嗎拉麵

銅鑼灣是日本拉麵的戰區，開了很多間拉麵及沾麵店。

由於銅鑼灣的租金昂貴程度是數一數二，所以在這開拉麵店激烈程度真的可媲美池袋、新宿等日本地區。

有機會一定會試晒所以來港的過江龍，今晚先試了這間來自日本廣島的過江龍 - Bari-Uma 廣島霸嗎拉麵。

當晚試了最貴的特盛炙燒豚肉拉麵，這間拉麵店湯底主打是豚骨醬油，湯底味道中上，與多間本港過江龍拉麵店差無幾，不算非常突出。這店最強賣點是炙燒豚肉，燒過的半肥瘦叉燒是很不同，非常香口，很肥美亦很邪惡。另外麵條是幼身拉麵，個人選擇了硬麵，食落時麵條都算夠硬身。流心蛋都很流心，不錯。另外，此店裝修整體都很乾淨企理，服務都很好，加水及落單都很明快。

個人認為會為那幾塊燒叉燒再去，因此有些東西真的是越邪惡越思念。

曾經在新宿食過一間拉麵店的叉燒都是燒過，記憶起仍然很美好。

也許香港真的很難食到日式燒叉燒，現在想起都想即刻去食。